İstanbul-Bakı aviareysilə Bakıya gələn Azərbaycan vətəndaşı Heydər Əliyev Beynəlxalq Aeroportunda rəsmiləşdirmə otağına yaxınlaşaraq özü ilə gətirdiyi mobil telefon cihazını gömrük orqanlarına bəyan etmək istədiyini bildirib.

Dövlət Gömrük Komitəsindən FED.az-a verilən məlumata görə, gömrük orqanına təqdim edilən “iPhone 14" markalı telefon cihazının qutusunun üzərindəki imei kodu şübhə yaratdığından sistem üzərindən yoxlama aparılıb. Yoxlama zamanı həmin kodun “iPhone 14" deyil, “iPhone 14 Pro max" markalı telefona aid olduğu müəyyənləşdirilib.

Vizual baxış zamanı isə gömrük orqanına təqdim olunan telefon qutusundan elektrik batareyaları, çay daşları aşkar edilib.

Araşdırma zamanı məlum olub ki, vətəndaşın mobil telefonu ölkəyə öncədən qaçaqmalçılıq yolu ilə və gömrük orqanına bəyan etmədən gətirilib. Amma telefonu Rəqəmsal İnkişaf və Nəqliyyat Nazirliyinin müvafiq sistemində qeydiyyatdan keçirə bilmədiyindən həmin şəxs onu qeydiyyat üçün ölkəyə «yenidən gətirməyi» qərara alıb.

İstənilən növ gömrük rəsmiləşdirmə əməliyyatlarınızı «Mobil Broker» şirkətinə həvalə edə bilərsiniz. Mobil Broker sizə kompleks həllər təklif edən gömrük təmsilçiilik şirkətidir.

“FED.AZ Gömrük” xəbərlərini gömrük təmsilçiliyi üzrə ölkənin ən qabaqcıl şirkətlərindən olan «Mobil Broker» şirkəti təqdim edir.