Soyuq hava anbarlardan qazın verilməsini sürətləndirdiyindən Avropada təbii qazın qiymətləri son 2 ilin ən yüksək səviyyəsinə qalxıb.
FED.az xəbər verir ki, bençmark fyuçerslərində qazın qiyməti 4,1 faiz artaraq 58 avro/MVt-a çatıb.
Şimal-Qərbi Avropa yaxın günlərdə dondurucu temperaturlara hazırlaşır. Bu, isitmə tələbini artıra bilər. Daha yüksək yanacaq istehlakı ehtiyatların daha da azalması riskini yaradır. Anbarlarda qaz ehtiyatları 2022-ci ildəki enerji böhranından bəri ilin bu dövründə ən aşağı səviyyədədir.
Avropa Birliyinin çox aşağı qaz ehtiyatları ilə bahara daxil olması riski qiymətlərin artmasına səbəb olur. Ticarətçilər Avropada artan qaz qiymətlərini və hədə-qorxuların qlobal ticarət tərəfdaşlarına təsirini yaxından izləyirlər. (Marja)
