Yaxın Şərq ölkələrindəki qaz infrastrukturlarına zərbələr fonunda bu gün keçirilən hərraclar zamanı Avropada qazın 1 000 kubmetrinin qiyməti 2022-ci ilin dekabrından bəri ilk dəfə olaraq 850 ABŞ dollarını ötüb.

FED.az biznes və maliyyə xəbərləri portalı xəbər verir ki, 19 mart tarixində TTF (Niderlandın "Title Transfer Facility"i Avropanın ən likvid virtual satış mərkəzi) indeksi üzrə aprel fyuçerslərinin qiyməti 854 dollar təşkil edib, bu da öncəki hesablama qiyməti ilə müqayisədə 30% çoxdur.