Qlobal bazarlarda cümə günü ABŞ-da başlamış satış dalğası həftənin əvvəlində Asiya bazarlarında daha da güclənib.
FED.az xəbər verir ki. Həftənin ilk ticarət günündə qlobal birjalarda kəskin satış təzyiqi müşahidə olunsa da, istiqrazlar bahalaşıb. ABŞ-da Nasdaq fyuçersləri 6 faizə qədər düşüb. Asiyada Yaponiyanın Topix və Nikkei 225 indeksləri öz zirvələrindən 20 faiz aşağı düşərək "ayı bazarına" daxil olublar.
ABŞ Mərkəzi Bankının (FED) faiz endirimlərinə gecikdiyi və geosiyasi proseslərin təsiri ilə bağlı olaraq qlobal birjalarda satış təzyiqi yeni ticarət həftəsinin ilk günündə güclənməkdə davam edir.
ABŞ-da cümə günü açıqlanan məyusedici qeyri-kənd təsərrüfatı məşğulluğu məlumatları ABŞ iqtisadiyyatı ilə bağlı narahatlıqları daha da artırıb.
Qlobal investisiya bankı Goldman Sachs-ın iqtisadçıları ABŞ-da gələn il tənəzzül ehtimalının 15 faizdən 25 faizə yüksəldiyini, lakin işsizliyin artmasına baxmayaraq bu riskin “məhdud” olaraq qaldığını bildiriblər.
Cümə günü Wall Street indeksləri kəskin ucuzlaşıb, bu səhər də fyuçers indekslərində itkilər davam edir. Nasdaq 100 fyuçers indeksi 2,5 faizdən çox dəyər itirib.
Yaponiyanın Nikkei 225 indeksi bazar ertəsi günü 12,40%, daha geniş TOPIX isə təxminən 12,23% ucuzlaşıb. Hər iki indeks indi iyulda qeydə alınan rekord həddən 20%-dən çox aşağı ticarət edilib və "ayı bazarına" daxil olub. ABŞ-ın iqtisadi yavaşlaması ilə bağlı artan qorxular fonunda indekslər düşür.
Topix fyuçers indeksindəki itkilər elektrik açarlarını işə salıb. İxracatçı şirkətlərin səhmləri indeksdəki enişlərə səbəb olub, yen dollara nisbətdə 2 faizdən çox bahalaşıb. Cənubi Koreya Fond Birjasındakı kəskin eniş hərəkətlərindən sonra elektron açar indeks əsasında işə düşüb.
Citigroup və JPMorgan sentyabr və noyabr yığıncaqlarında FED-in 0,50 faiz bəndi faiz endirimi edəcəyini gözlədiklərini açıqlayıblar.
İqtisadi şəraitin pisləşməsi ehtimalı ilə riskə əsaslanan səhmlərə "iştahı" azaldığı üçün daha geniş Asiya bazarları aşağı düşüb. Yapon yeni kimi "təhlükəsiz" aktiv bahalaşıb.
Avstraliyanın ASX 200 indeksi, Cənubi Koreyanın KOSPI indeksi də dəyər itiriblər (Marja).
