Fond bazarlarında dünənki günün bağlanış rəqəmləri bir daha göstərdi ki, texnologiya sektorunda qeyri-sabitlik hələ də davam edir. Səhmlərin gündəlik dəyişimi həm optimist, həm də ehtiyatlı investor əhval-ruhiyyəsinin qarışıq təsiri ilə formalaşır. Bəzi nəhənglər dəyər qazansa da, ümumi mənzərə neqativ çalarlar daşıyır.

Bu həftə səhmləri ən çox bahalaşıb-ucuzlaşan – 100 ŞİRKƏT, SİYAHI (14-18 aprel, 2025)

Ən çox bahalaşan səhmin sahibi Johnson & Johnson olub. Şirkətin səhmləri gün ərzində 2,31% artaraq 157,47 dollara yüksəlib. Səhiyyə sektorunun bu təmsilçisi yenidən sabit və riskdən uzaq aktiv kimi investor marağını cəlb etməyi bacarıb. Apple da günü müsbət notla başa vurub. Şirkətin səhmləri 1,39% bahalaşaraq 196,98 dollara çatıb.

Ən çox dəyər itirən isə NVIDIA olub. Çip istehsalçısının səhmləri 2,87% azalaraq 101,49 dollara düşüb. Bu eniş, texnologiya sektorundakı dalğalanmanın ən bariz nümunəsi kimi dəyərləndirilə bilər.

Alphabet (Google) və Microsoft da günü mənfi göstəricilərlə tamamlayıb. Google 1,38%, Microsoft isə 1,03% ucuzlaşıb. Eyni zamanda Amazon.com (-0,99%), Visa (-0,52%), Meta Platforms (-0,17%) və Tesla (-0,07%) kimi digər şirkətlərdə də dəyər itkisi qeydə alınıb.

Ümumi mənzərəyə nəzər yetirdikdə aydın olur ki, siyahıda yalnız üç şirkət bahalaşıb – Johnson & Johnson, Apple və Berkshire Hathaway (+0,34%). Digər yeddi şirkət isə fərqli faizlərlə ucuzlaşıb. Bu isə fond bazarında daha çox ehtiyatlılığın və təzyiqin üstünlük təşkil etdiyini göstərir.

Bazarın bu cür dalğalı hərəkətləri həm risk, həm də fürsət baxımından əhəmiyyətli ipucları verir. Texnologiya nəhənglərinin gələcək performansı isə yaxın günlərdə açıqlanacaq maliyyə nəticələri ilə birbaşa əlaqəli olacaq.

Daha detallı aşağıdakı cədvəldə :

Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.