Bu gün Bakı Fond Birjasında (BFB) Maliyyə Nazirliyinin AZ0104028540 ISIN-li, 45 mln. manatlıq, 364 gün tədavül müddətli dövlət qısamüddətli istiqrazlarının (DQİ) yerləşdirilməsi üzrə hərrac keçirilib.

FED.az BFB-yə istinadən xəbər verir ki, hərraca 15 investor 36 sifariş təqdim edib.

Sifarişlərin qiymət intervalı 87,0187 manat (15%) – 94,3689 manat (5,9999%), nominal qiymətlə ümumi məbləği isə 150 105 400 manat oluib.

Maliyyə Nazirliyinin qərarına əsasən istiqrazların kəsmə qiyməti 90,9543 manat (10,0001%), orta ölçülmüş qiyməti isə 91,8097 manat (8,9701%) müəyyən edilib. Hərrac nəticəsində istiqrazların yerləşdirilmiş məbləği 45 mln. manat təşkil edib.

İstiqrazların ödəmə tarixi 6 noyabr 2018-ci ildir. Hərrac iştirakçıları ən geci sabah istiqrazların alışı üzrə öhdəliklərini icra etməlidirlər.