Birja

Maliyyə Nazirliyi 4 %-lə - 10 MİLYON MANAT BORC ALDI

Maliyyə Nazirliyi 4 %-lə - 10 MİLYON MANAT BORC ALDI | FED.az
19:32 11 Fev 2020

Bakı Fond Birjasında (BFB) Azərbaycan Maliyyə Nazirliyinin AZ0104002776 ISIN-li, 10 milyon manat həcmində, 364 gün tədavül müddətli dövlət qısamüddətli istiqrazlarının (DQİ) yerləşdirilməsi üzrə hərrac keçirilib.

Eləcə də bax: BFB-də ticarət olunan bazarlar üzrə birja üzvlərinin - DÖVRİYYƏLƏRİ AÇIQLANDI

FED.az BFB-nin məlumatına istinadən xəbər verir ki, hərrac zamanı 14 investor tərəfindən qiymət intervalı  92,6302 manat (7,9999%) və 96,5435 manat (3,5999%) olan 29 sifariş təqdim edilib.

Maliyyə Nazirliyinin qərarına əsasən, istiqrazların kəsmə qiyməti   96,1745 manat (3,9995%), orta ölçülmüş qiyməti 96,2092 manat (3,9618%) müəyyən edilib.

Sifarişlərin nominal qiymətlə ümumi məbləği 45 763 900 manat yerləşdirilən həcmi isə 10 mln. manat təşkil edib. İstiqrazların ödəmə tarixi 09.02.2021-ci ildir.

Hərrac iştirakçıları 12 fevral 2020-ci il (T+1) tarixinədək istiqrazların alışı üzrə öhdəliklərini icra etməlidirlər.

"APA"

Digər xəbərlər

Banner