FED.az xəbər verir ki, bitcoin son 24 saat ərzində 1950 dollar və ya 10,2% ucuzlaşıb. Yəni bitcoinin dekabrın 20-si saat 9:25-ə olan qiyməti 17 min 147 dollardır. Son bir həftə ərzində isə bitcoin 382 dollar və ya 2,2% bahalaşıb.
Qeyd edək ki, bitcoin son 24 saat ərzində tarixi rekorddan sonra kəskin şəkildə enərək 16 min 500 dollardan aşağı düşüb. Belə ki, həmin saatlarda bitcoin 16 min 390 dollara satılıb.
Ethereum-un qiyməti də ucuzlaşır. Belə ki, bu kriptovalyuta son bir sutka ərzində 27 dollar və 3,2% ucuzlaşaraq 800 dollara enib. Qeyd edək ki, Ethereum son bir həftə ərzində isə 174 dollar və ya 27,7% bahalaşıb.
