Martın 13-də Bakı Fond Birjasında «BANK RESPUBLİKA» ASC-nin istiqrazlarının rəqabətli hərrac üsulu ilə yerləşdirilməsi keçiriləcək.
FED.az xəbər verir ki, 6 mart 2025-ci il tarixində Bakı Fond Birjasının (BFB) Listinq Komitəsinin qərarı ilə BANK RESPUBLİKA" ASC-nin istiqrazlarının ticarətə buraxılması üçün “Ticarətə İcazə” qərarı verilib.
Həmin qərara əsasən istiqrazların rəqabətli hərrac üsulu ilə yerləşdirilməsi 13.03.2025-ci il tarixində Bakı Fond Birjasında keçiriləcəkdir.
Xatırladaq ki, «Bank Respublika»nın istiqraz buraxılışı çərçivəsində ümumi məbləği 5 milyon dollar olan dollar istiqrazları buraxılacaq. Buraxılacaq istiqrazların sayı 5 min ədəd, bir istiqrazın nominal qiyməti 1000 dollardır.
İstiqrazlar hazırda ölkənin qiymətli kağızlar bazarı üçün rekord gəlirliliklə – dollarda illik 8,5% gəlirliliklə buraxılacaq.
Qeyd: İstiqrazlar subardinasiya borc şəklində, 8 illik tədavül müddətilə buraxılır.
İstiqrazlar üzrə məlumat aşağıdakı kimidir:
|
Emitentin adı |
BANK RESPUBLİKA" ASC |
|
Dövlət qeydiyyat nömrəsi – İSİN |
AZ2007002887 |
|
İstiqraqzların növü və forması |
Faizli, təminatsız, sənədsiz, adlı istiqrazlar |
|
Ticarət üsulu/forması |
Kütləvi/ Rəqabətli |
|
İstiqrazların sayı |
5,000 (ədəd) |
|
İlkin ticarət qiyməti |
1,000 ABŞ Dolları |
|
Buraxılış həcmi |
5,000,000 ABŞ Dolları |
|
İllik gəlirlilik faizi |
8.5% |
|
Ödəmə periodu |
Ilk istiqrazın yerləşdirildiyi tarixdən etibarən ildə günlərin sayı 360 (üç yüz altmış) olaraq götürməklə hər aydan bir (ayda günlərin sayı 30 (otuz) götürülməklə) |
|
Tədavül müddəti |
8 il |
|
Ticarətə buraxılma tarixi |
13.03.2025 |
|
Anderrayter |
“ABB-İnvest İnvestisiya Şirkəti” QSC |
