2025-ci il ərzində Azərbaycanın ən böyük banklarından olan “Unibank” gəlirlərinə görə dördüncü pillədə qərarlaşıb.

FED.az biznes və maliyyə xəbərləri portalı “Unibank”ın gəlir mənbələrini araşdırıb.

Azərbaycanda banklar pulu nədən qazanırlar? – GƏLİR MƏNBƏLƏRİ, MƏBLƏĞLƏR – BANKLAR (31.12.2025)

2025-ci il ərzində “Unibank”ın ümumi gəlirləri əvvəlki ilə nisbətən 11,8% artaraq 397 milyon 522 min manata çatıb.

Azərbaycanda sistem əhəmiyyətli banklar açıqlandı – SİYAHI, TƏLƏBLƏR

“Unibank”ın gəlirlərinin ən böyük hissəsi – 238 milyon manatı və ya bütün gəlirlərin 60%-i kredit portfelinin gəlirlərindən formalaşıb. Bu gəlirlər son bir ildə 8% artım göstərib.    

Komissiya haqlarından isə 126 milyon 901 min manat daxil olub, bu bankın bütün gəlirlərinin 32%-i deməkdir. Başqa sözlə, bu iki gəlir maddəsi “Unibank”ın gəlirlərinin 92%-ni təşkil edib. Komissiya gəlirləri də illik müqayisədə 20,8% artıb.

Digər sahələrdən gəlirlər elə də böyük həcmdə deyil. Belə ki, valyuta əməliyyatlarından gəlirlər 16,5 milyon manat və ya ümumi gəlirlərin 4%-i həcmində olub ki, bu da, illik müqayisədə 1% çoxdur.

Daha 3 milyon 738 min manat və ya ümumi gəlirlərin 1%-ni “Unibank”ın qiymətli kağızlara yatırımları təmin edib. Bu gəlirlərdə 2024-cü ilə nisbətən 20,3% azalma görünüb.

Başqa banklarda depozit yerləşdirilməsindən gəlirlər bir ildə 42,4% artaraq 3 milyon 528 min manata çatıb ki, bu da, ümumi gəlirlərin 1%-i deməkdir.

Həmçinin digər banklara kreditlərdən ötən ilə nisbətəb 2,8 dəfə çox – 609 min manat gəlir əldə edilib. Bu gəlir ümumi payda cüzi hissəni tutub.

 Gəlirlərin 8 milyon 197 min manatını isə “Unibank”ın digər faiz və qeyri-faiz gəlirlərindən daxil olub. Ümumi gəlirlərində faiz və qeyri-faiz gəlirləri 2%-lik yer tutub. Ümumiyyətlə, son bir ildə bankın faiz gəlirləri 21%, qeyri-faiz gəlirləri isə 27,4% artıb.

2024-2025-ci illər ərzində “Unibank”ın gəlirlərinin məbləği, onun ümumi gəlirlərdəki payı və gəlirlərin məbləğinin illik dinamikası aşağıdakı kim olub: