Maliyyə Bazarlarına Nəzarət Palatası (MBNP) ölkə banklarının durumunu açıqlayıb. Palatadan FED.az-a verilən məlumata görə, Azərbaycanda fəaliyyət göstərən bankların 31 oktyabr 2017-ci il tarixinə cəmi aktivləri 26,311.6 mln. manat, cəmi öhdəlikləri isə 23,216.6 mln. manat təşkil etmişdir. Sektorun balans kapitalı 3,095 mln. manat, əhalinin əmanətləri isə sentyabr ayı ilə müqayisədə 3.6% (250.7 mln. manat) artaraq 7,250.2 mln. manat olmuşdur. Qeyd edək ki, 30.09.2017-ci il tarixə əhalinin əmanətlərin 6,999.5 mln. manat təşkil emtişdir.
Fəaliyyət göstərən 31 bankın filiallarının sayı 556, şöbələrinin sayı 142, ATM-lərin sayı 2,491 olmuşdur. Bütövlükdə, bank sektorunun işçi heyəti 16,470 nəfər təşkil etmişdir.