Bankın kapital mövqeyinin məhkəmləndirilməsi məqsədilə “AGBank” ASC tərəfindən hər birinin nominal dəyəri 2 manat olan 7 milyon manat məbləğində 3,5 milyon ədəd adi səhmlərin emissiya edilməsi qərara alınmışdır. Yeni səhm emissiyası Maliyyə Bazarlarına Nəzarət Palatası tərəfindən 14 fevral 2018-ci il tarixində AZ1001000970 qeydiyyat nömrəsi ilə dövlət qeydiyyatına alınmışdır.
Səhmlərın yerləşdirilməsi kütləvi təklif üsulu ilə Abunə yazılışı formasında “Unicapital İnvestsiya Şirkəti” ASC vasitəsi ilə Bakı Fond Birjasında satış qiyməti 2.00 (iki) manat olmaq şərti ilə həyata keçiriləcək.
Bankdan verilən məlumata görə, səhmlərin yerləşdirilməsinə abunə yazılışı 26 fevral 2018-ci il tarixində başlayıb və 26 may 2018-ci il tarixində yekunlaşır. Abunə yazılışında rezident investorlarla yanaşı qeyri-rezident investorlarda iştirak edə bilər.
Bankın səhmlərini almaq istəyən investorlar səhmlərin yerləşdirilməsi ilə əlaqədar bütün informasiyanı “İnformasiya memorandumu”ndan əldə edə bilər. “İnformasiya memorandumu” ilə investorlar “AG Bankın” ASC-nin rəsmi internet səhifəsi www.agbank.az, Bakı Fond Birjasının rəsmi internet səhifəsi www.bfb.az və “Unicapital İŞ” ASC-nin rəsmi internet səhifəsi www.unicapital.az səhifələrindən tanış ola bilər.
Yeni səhm emissiyasından sonra bankın nizamnamə kapitalı 109,2 milyon manata qədər yüksələcəkdir. 2018-ci ilin sonuna qədər isə bankın nizamnamə kapitalının 125 milyon manata qədər artırılacağı gözlənilir.
Bankın səhmdar strukturu
|
QK Mülkiyyətçisi |
Ümumi miqdarı, ədədlə |
Faiz nisbəti |
Ümumi miqdarı, manatla |
|
Rezident Şirkətlər |
11 458 |
0,02242% |
22 916 |
|
Qeyri rezident Şirkətlər |
3 506 933 |
6,86288% |
7 013 866 |
|
Fiziki şəxlər |
47 581 609 |
93,11469% |
95 163 218 |
|
CƏMİ |
51 100 000 |
100,000% |
102 200 000 |
“İnformasiya memorandumu”nda qeyd olunur ki, yeni səhm emissiyası bankın maliyyə sabitliyinin güclənməsinə səbəb olacaqdırki bu da bankın gəlirinin artmasına səbəb olacaqdır. Bu isə öz növbəsində bankın dividentlərinin artması ilə nəticələnəcəkdir.
Abunə yazılışı 3 ay ərzində həyata keçiriləcək.
Abunə yazılışı başa çatdıqdan sonra 5 (beş) iş günü ərzində qiymətli kağızların BFB-də kütləvi yerləşdirilməsinə başlanılacaq və 7 (yeddi) iş günü ərzində yerləşdirilməsi həyata keçiriləcək.
Kütləvi təklif olunan əlavə səhmlərin yerləşdirilməsi aşağıdakı ardıcıllıqla həyata keçiriləcək:
-ilk 2 iş günü ərzində üstünlük hüququna malik olan səhmdarlar arasında səhmlərin yerləşdirilməsi;
-digər investorlar arasında səhmlərin yerləşdirilməsi.
Mənbə: FED.az, marja.az
