2025-ci ilin üçüncü rübünün yekunlarına əsasən, Azərbaycanın bank sektorunda faiz gəlirlərinin həcminə görə ən böyük banklarının adları açıqlanıb.
Bankların III rübə olan maliyyə hesabatlarına istinadən hazırlanan siyahıya görə, 17 bankın faiz gəlirləri 10 milyon manatı ötüb.
Renkinqə 874 min 721 manatla “Kapital Bank” ASC başçılıq edir.
İkinci yerdə 805 min 611 manatla “Azərbaycan Beynəlxalq Bankı” (ABB) ASC qərarlaşıb.
“PAŞA Bank” ASC 396 min 724 manatla üçüncü, “Bank Respublika” ASC isə 217 min 737 manatla dördüncü olub.
Digər banklar arasında “AccessBank” QSC 187 min 149 manat, “Unibank KB” ASC 183 min 597 manat, “Xalq Bank” ASC 164 min 968 manat, “Yelo Bank” ASC 130 min 795 manat, “Bank of Baku” ASC isə 129 min 193 manat faiz gəlirinə malikdir.
Siyahının davamında “Rabitəbank” ASC (99 min 480 manat), “Azər Türk Bank” ASC (97 min 410 manat), “TuranBank” ASC (75 min 109 manat), “Expressbank” ASC (60 min 657 manat), “Ziraat Bank Azərbaycan” ASC (56 min 275 manat), “Yapı Kredi Bank Azərbaycan” QSC (37 min 304 manat), “Bank VTB (Azərbaycan)” ASC (31 min 081 manat) və “Azərbaycan Sənaye Bankı” ASC (28 min 692 manat) qərarlaşıb.
Faiz gəlirləri 20 min manatdan az olan banklar arasında “Premium Bank” ASC (27 min 442 manat), “Bank BTB” ASC (24 min 445 manat), “AFB Bank” ASC (17 min 247 manat), “Bank Avrasiya” ASC (12 min 205 manat) və “Bank Melli İran”ın Bakı filialı (4 min 297 manat) yer alıb.
