2025-ci il mart ayının 1-nə Azərbaycan iqtisadiyyatına cəmi kredit qoyuluşları ( bank və qeyri-bank birlikdə) 29 milyard 402.9 milyon manat təşkil edib.
FED.az bu barədə Azərbaycan Mərkəzi Bankına istinadən xəbər verir.
Bu göstərici aylıq müqayisədə 77 milyon manat və ya 0.3% çoxdur.
2024-cü ilin mart ayının 1-i ilə müqayisədə isə iqtisadiyyata kredit qoyuluşları 4 milyard 773.8 milyon manat və ya 19,4% artıb.
Hesabat dövründə dövlət bankları tərəfindən kredit qoyuluşları 7 milyard 210.1 milyon manat, özəl banklar tərəfindən 20 milyard 382.2 milyon manat, qeyri-bank kredit təşkilatları tərəfindən isə 1 milyard 810.6 milyon manat təşkil edib.
