Azərbaycanda fəaliyyət göstərən 30 bankdan 13-nün bu ilin yanvar-sentyabr aylarındakı əməliyyat mənfəəti ötən ilin eyni dövrünə nisbətən çox olub.
FED.az məlumat verir ki, bunlar "Bank Respublika", "Express Bank", "Azərbaycan Sənaye Bankı", "Rabitəbank", "PAŞA Bank", "Zıraat Bank Azərbaycan", "Premium Bank", "Kapital Bank", "Bank BTB", "Xalq Bank", "Azərbaycan Beynəlxalq Bankı", İran Milli Bankının Bakı filialı və "Naxçıvan Bank"dır. Ən yüksək dinamika "Bank Respublika"da (3,4 dəfə), ən aşağı dinamika isə "Naxçıvan Bank"da (3%) qeydə alınıb.
Eləcə də bax: Biznes kreditləri istehlak kreditlərini - 4 DƏFƏ ÜSTƏLƏYİB - BANK HESABATI
7 bankın - "Turan Bank", "Yapı Kredi Bank Azərbaycan", "Bank Avrasiya", "AFB Bank", "Muğan Bank", "Nikoyl Bank" və "Günay Bank"ın isə əməliyyat mənfəəti illik müqayisədə azalıb. Ən çox azalma "Günay Bank"da (66,%), ən az azalma isə "Turan Bank" və "Yapı Kredi Bank Azərbaycan"da (5,2%) qeydə alınıb.
4 bankın - Pakistan Milli Bankının Bakı filial, "Atabank", "AGBank", və "Bank of Baku"nun əməliyyat zərəri artıb. Ən yüksək dinamika Pakistan bankında (5 dəfə), ən aşağı dinaika isə "Bank of Baku"da (49,3%) qeydə alınıb.
2 bankın - "Amrah Bank" və "Bank VTB Azərbaycan"ın isə əməliyyat zərəri azalıb. Müvafiq olaraq 22% və 78,4%.
3 bank - "Access Bank", "Azər-Türk Bank", və "Unibank" bu ilin 9 ayında əməliyyat mənfəəti əldə etsə də, ötən ilin eyni dövründə əməliyyat zərərinə uğrayıb, 1 bank - "NBC Bank" isə bu ilin yanvar-sentyabr aylarında əməliyyat zərəri ilə üzləşib, ötən ilin eyni dövründə isə əməliyyat mənfəəti əldə edib. Odur ki, bu bankların maliyyə göstəricilərinin dinamikasını hesablamaq mümkün olmayıb.
7 bank əməliyyat zərərinə uğrayıb
Azərbaycanda fəaliyyət göstərən 30 bankdan 7-si bu ilin yanvar-sentyabr aylarında əməliyyat mənfəəti əldə etməyib.
Bunlar Pakistan Milli Bankının Bakı filialı, "NBC Bank", "Bank VTB Azərbaycan", "Atabank", "Amrah Bank", "AGBank" və "Bank of Baku"dur. Əməliyyat zərərinin ən aşağı həddi Pakistan bankında (347 min manat), ən yuxarı həddi isə "Bank of Baku"da (35,266 milyon manat) qeydə alınıb.
Qalan 23 bank isə müxtəlif məbləğlərdə əməliyyat mənfəəti əldə edib. Bu baxımdan ən aşağı göstərici "Turan Bank"da (661 min manat), ən yuxarı göstərici isə "Azərbaycan Beynəlxalq Bankı"nda (249,669 milyon manat) qeydə alınıb.
"Renkinq"
