2023-cü ilin yanvar ayında Azərbaycana 102 milyon 620,56 min ABŞ dolları dəyərində 6 881 ədəd müxtəlif təyinatlı avtomobil idxal olunub.
Füzulidə elektromobillər üçün - Enerji Doldurma Stansiyaları Quraşdırılacaq
FED.az Dövlət Gömrük Komitəsinə (DGK) istinadən xəbər verir ki, bu, 2022-ci ilin eyni dövrü ilə müqayisədə müvafiq olaraq 50,44 % və 21,04 % çoxdur.
Ötən ay sürücü daxil olmaqla 10 nəfər və yaxud daha çox adam daşımaq üçün nəzərdə tutulmuş motorlu nəqliyyat vasitələrinin idxalı 63,64 % azalaraq 20 ədəd (1 milyon 002,73 min ABŞ dolları dəyərində), əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələrinin idxalı isə 23,46 % artaraq 6 458 ədəd (91 milyon 448,73 min ABŞ dolları dəyərində) təşkil edib.
Bu avtomobillərin 933-ü (21 milyon 059,88 min ABŞ dolları dəyərində) daxili yanma mühərriklə yanaşı, elektrik mühərriklə də hərəkətə gətirilən nəqliyyat vasitələri, 119-u (4 milyon 937,88 min ABŞ dolları dəyərində) isə yalnız elektrik mühərriklə hərəkətə gətirilən nəqliyyat vasitələridir.
Bu isə birincinin 17,94 % azalması, ikincinin isə 9,2 dəfə artması deməkdir.
Bundan əlavə, yük daşımaq üçün mühərrikli nəqliyyat vasitələrinin idxalı 2,73 % artaraq 376 ədəd (5 milyon 641,74 min ABŞ dolları dəyərində), xüsusi təyinatlı motorlu nəqliyyat vasitələrinin idxalı isə 18,18 % azalaraq 27 ədəd (4 milyon 527,36 ABŞ dolları dəyərində) olub. (Report)
