8 aprel 2025-ci il tarixində keçirilmiş hərracda müxtəlif dövlət qurumlarının balansında olan avtomobillər özəlləşdirilib. Satışa təqdim olunan avtomobillər arasında həm minik, həm də xüsusi təyinatlı və yük nəqliyyat vasitələri yer alıb.  

Dövlətə məxsus ucuz maşınlar - HƏRRACDA SATILIR, SİYAHI

FED.az bu barədə Dövlət Xidmətinə istinadən xəbər verir. Məlumata görə, hərraclar rəqabətli keçib.

Satışa çıxarılan avtomobillərin buraxılış illəri 1990-cı ildən 2011-ci ilə qədər olan dövrü əhatə edib. Qiymətə gəlincə, hərracda ilkin satış qiymətləri 500 manatdan başlayıb, 9 min manata qədər dəyişib. Ən aşağı qiymətə satışa çıxarılan avtomobil Mədəniyyət Nazirliyinin təqdim etdiyi 1998-ci il buraxılışlı QAZ 3110 olub. Onun ilkin qiyməti cəmi 500 manat təşkil edib və hərrac nəticəsində 590 manata satılıb. Ən yüksək ilkin satış qiymətinə malik avtomobillər isə Prezidentin İşlər İdarəsinin balansında olan iki ədəd 2006-cı il istehsalı BMW 530i markalı minik avtomobilləri olub. Hər biri 9 min manata təklif edilib. Onlardan biri yekunda 10 min 500 manata, digəri isə 9 min 500 manata satılıb.

Bəzi avtomobillərdə ilkin və yekun satış qiymətləri eyni olsa da, digərlərində ciddi qiymət fərqi yaranıb. Məsələn, Prezidentin İşlər İdarəsinə məxsus Mercedes-Benz 3120 mikroavtobusu ilkin olaraq 7 min manata təklif olunub, lakin hərrac nəticəsində 12 min 500 manata satılıb. Bu nəqliyyat vasitəsi həmin gün ən yüksək qiymətə satılan avtomobil olub. Digər bir nümunə isə Ekologiya və Təbii Sərvətlər Nazirliyinin balansında olan 2008-ci il buraxılışlı KAMAZ yük avtomobilidir. İlkin qiyməti 2 min 800 manat olan bu nəqliyyat vasitəsi hərracda 9 min manata alıcı tapıb.

Hərracda satılan dövlət əmlaklarının siyahısı ilə https://clck.ru/3A7csN linki vasitəsilə tanış olmaq olar.

Bakı şəhəri üzrə 8 aprel 2025-ci il tarixində keçirilmiş hərracda satılan nəqliyyat vasitələrinin siyahısı: