Xəbər verildiyi kimi, Azərbaycanın tanınmış şirniyyat brendi «Azceke» Şuşuda ilk mağazasını açıb. Bu mağaza həm də Azərbaycan şirkətlərinin Şuşada açdığı ilk biznes obyekt olub.
Şirkətin direktoru və satış müdiri Faiq Bağırov FED.az-a bildirib ki mağaza mağaza Şuşa məscidinin yanında yerləşir: «Burada ənənəvi olaraq şirniyyət və çörək satılır. Əsgərlərin çörək təminatı həyata keçirilir. Gələcəkdə sakinlərin sayı artrdıqca «Azceke» məhsul çeşidini daha da artıracaq və digər mağazalardakı səviyyəyə çatdıracaq».
Azərbaycan şirkəti Şuşada - İLK MAĞAZASINI AÇDI
F.Bağırov bildirib ki, hazırda mağazanın əksər müştəriləri əsgər və zabitlərdir və onlara bu məhsullar pulsuz təqdim ediləcək: «Əsgərlər üçün bütün məhsullarımız pulsuzdur. Digər təşkilatların nümayəndələrinə isə məhsullarımız adi qaydada satılacaq».
Şirkətin direktoru FED.az-a bildirib ki, «Azcake» Şuşadakı mağazada işləmək üçün özünün Bakıda çalışan ən yaxşı mütəxəssislərini göndərib: «Şuşadakı mağazamızda 6 ən yaxşı ustalarımız çalışır, onlar bu mağazada çalışmaq üçün könüllü olaraq gəliblər».
«Azcake»nin əməkdaşları Şuşadakı evlərdə qalırlar. İşğaldan azad edilənədək bu evdə ermənilər yaşayırdılar: «İşçilərimiz üçün normal yaşayış şəraiti yaratmışıq».
F.Bağırov bildirib ki, burada işləmək növbəli olacaq və müəyyən müddətdən sonra işçilər dəyişdiriləcək. Onun sözlərinə görə, Şuşadakı mağaza «Azceke»nin ümumilikdə 87-ci mağazasıdır. Gələcəkdə işğaldan azad olunan digər rayonlarda da mağaza açılacaq.
