UNEC-in 90 illik yubiley tədbirləri çərçivəsində 11 - 26 may tarixlərində Online Karyera günləri təşkil olunacaq. İctimaiyyətə açıq keçiriləcək karyera günlərinin əsas məqsədi tələbə və məzunlara karyera qurmaq istiqamətində tövsiyələr vermək, işəqəbul prosesi, müsahibəyə hazırılıq barədə məlumatlar və məsləhətlər vermək, iş dünyasında uğur qazanmış şəxslər ilə gənclərin bir araya gəlməsinə şərait yaratmaqdır.
Eləcə də bax: THE Impact Ranking: UNEC- dünyada 619-cu, Azərbaycanda 1-cidir
Online Karyera günlərində 15-dən çox nüfuzlu şirkətin rəhbər şəxsləri, İnsan Resursları Departamentinin rəsmiləri, eləcə də karyera planlaşdırılması üzrə ekspertlər hər gün canlı yayımda çıxış edəcək, təlim və diskussiya aparacaq, o cümlədən sosial şəbəkələrdən daxil olan sualları cavablandıracaqlar.
Canlı yayımları UNEC-in rəsmi facebook (fb.com/uneceduaz), youtube (youtube.com/unecofficial) və instagram (instagram.com/uneceduaz) sosial şəbəkələrindən izləmək mümkündür.
