“Baktelecom” GPON texnologiyası üzərindən göstərilən internet xidməti tariflərini endirdi

Nəqliyyat, Rabitə və Yüksək Texnologiyalar Nazirliyindən daxil olmuş məlumata görə, “Baktelecom” genişzolaqlı internet istifadəçiləri üçün qiymətləri endirib.

“Yeni sərfəli tariflər GPON (Gigabit Passive Optical Network - Gigabit tutumlu Passiv Optik Şəbəkə) texnologiyası vasitəsilə xidmət alan bütün internet abunəçiləri üçün tətbiq edilib.

Eyni zamanda 10 və 20 Mbit/s sürət istifadəçiləri üçün nəzərdə tutulan məbləğə telefon xidməti də daxil edilib. Yəni, abunəçi tətbiq olan tarif əsasında bir məbləğ ödəməklə 2 xidmətdən - internet və sabit telefon şəbəkəsindən faydalana bilər”.

Qeyd edək ki, GPON internet xidməti fiber optik xətləri üzərindən təmin edilir. Bu texnologiya 100 Mbit/s-ə qədər qoşulma sürəti, kəsintisiz rabitə və telefon xətlərindən asılılığın olmaması kimi üstünlüklərə malikdir. Hazırda Bakı şəhəri üzrə 30 min mənzilə xidmət göstərilməsi üçün infrastruktur yaradılıb. Yaxın 1 il ərzində bu göstəricinin artırılması planlaşdırılır.

Tariflər:

Qeyd:

– 10 mbit/s və 20 mbit/s tariflərlə internet xidmətini seçən fərdi müştərilər üçün stasionar telefon xidmətindən istifadə pulsuzdur.
– Fərdi müştərilər stasionar telefon və internet xidmətlərini seçdiyi halda birdəfəlik qoşulma haqqı 35 AZN təşkil edir.