2025-ci il iyunun 1-i vəziyyətinə olan ilkin məlumatlara əsasən, ölkədə iqtisadi fəal əhalinin sayı 5 milyon 332,6 min nəfər olub. Onlardan 5049,7 min nəfərini məşğul əhali təşkil edib.

• Sosial sahədə maaş bərabərsizliyi dərinləşir - DÖVLƏT VƏ ÖZƏL ARASINDA 760 MANAT FƏRQ

FED.az Dövlət Statistika Komitəsinə istinadən xəbər verir ki, cari il mayın 1-i vəziyyətinə muzdla çalışan işçilərin sayı 1 milyon  771,7 min nəfər təşkil edib. Bu işçilərin bölgüsü aşağıdakı kimidir:

• Dövlət sektoru: 876,3 min nəfər

• Qeyri-dövlət sektoru: 895,4 min nəfər

Sektorlar üzrə bölgüdə isə neft-qaz sektorunda 31,2 min nəfər, qeyri neft-qaz sektorunda isə 1740,5 min nəfər çalışıb.

Muzdla çalışanların sahələr üzrə bölüşdürülməsi

Müəssisə və təşkilatlarda muzdla çalışan işçilərin 22,7 faizi məhsul istehsalı sahələrində məşğul olub. Bu sahənin daxilində bölgü belədir:

• Emal sənayesi – 7,6%

• Tikinti – 6,6%

• Su təchizatı, tullantıların təmizlənməsi və emalı – 2,7%

• Kənd təsərrüfatı, meşə təsərrüfatı və balıqçılıq – 2,4%

• Mədənçıxarma sənayesi – 1,8%

• Elektrik enerjisi, qaz və buxar istehsalı, bölüşdürülməsi və təchizatı – 1,6%

Xidmət sahəsində çalışanlar isə aşağıdakı sahələrdə fəaliyyət göstəriblər:

• Ticarət; nəqliyyat vasitələrinin təmiri – 18,7%

• Təhsil – 18,5%

• Əhaliyə səhiyyə və sosial xidmətlərin göstərilməsi – 8,5%

• Dövlət idarəetməsi və müdafiə; sosial təminat – 6,3%

• Nəqliyyat və anbar təsərrüfatı – 4,2%

• İnzibati və yardımçı xidmətlərin göstərilməsi – 4,2%

• Peşə, elmi və texniki fəaliyyət – 3,9%

• Turistlərin yerləşdirilməsi və ictimai iaşə – 3,5%

• İstirahət, əyləncə və incəsənət – 3,0%

• Maliyyə və sığorta fəaliyyəti – 2,3%

• İnformasiya və rabitə – 2,0%

• Daşınmaz əmlakla əlaqədar əməliyyatlar – 1,1%

• Digər sahələrdə xidmətlərin göstərilməsi – 1,1%