İzmirdə fəaliyyət göstərən “Akıncılar Taktik Tekstil” şirkəti ilə Azərbaycan Müdafiə Sənayesi Nazirliyinin Elmi Tədqiqat İnstitutu arasında investisiya və əməkdaşlıq müqaviləsi imzalanıb.

FED.az xəbər verir ki, bu barədə “Anadolu” agentliyi məlumat yayıb.

Qeyd olunub ki, imzalanmış protokol çərçivəsində Azərbaycanda müştərək istehsal müəssisəsi və sınaq laboratoriyası yaradılacaq.

Yerli və milli imkanlarla İzmirdə ballistik jiletlər, ballistik dəbilqələr, gülləkeçirməz geyilə bilən texnologiyalar, hərbi hücum jiletləri, xüsusi əməliyyat geyimləri istehsal edən şirkət, Bakıda qurulacaq fabrikdə innovativ tekstil işlərinin bir qismini həyata keçirəcək.

Ortaq istehsal müəssisəsində istehsal olunacaq gülləkeçirməz polad jiletlər, dəbilqələr və hərbi materialların digər ölkələrə satılması hədəflənir.

Azərbaycan müdafiə və milli təhlükəsizlik xərclərini - 1 Milyard manatdan çox artırır

Əməkdaşlıq çərçivəsində Azərbaycanda ilk dəfə olaraq gülləkeçirməyən hərbi avadanlıq istehsal olunacaq. (Apa)