Vətən Müharibəsində Azərbaycanın işğalçı Ermənistan ordusuna qarşı “Bayraktar” TB2 pilotsuz uçuş aparatlarından (PUA) istifadə etdiyi üçün Türkiyəyə embarqo tətbiq edən Kanadanın "Telemus Systems Inc." şirkəti müflis olub.
Eləcə də bax: Əliyevdən Fransaya və Kanadaya cavab: «Getsinlər öz işləri ilə məşğul olsunlar»
FED.az biznes və maliyyə xəbərləri portalı Trend-ə istinadən xəbər verir ki, bu barədə audit, vergi və tərcümə xidmətləri göstərən KPMG-nin hesabatında bildirilir.
Qeyd edək ki, "Telemus Systems Inc." şirkəti Türkiyə istehsalı olan PUA-ları müşahidə kameraları və digər elektron avadanlıqlarla təchiz edib və onun əsas müştəriləri Türkiyə müəssisələri olub. Kanada hökuməti həmin ilin oktyabrında Türkiyəyə Vətən Müharibəsində Azərbaycana dəstəyinə görə silah embarqosu qoyub. Bundan sonra "Telemus Systems Inc." şirkəti məhsullarını satarkən problemlərlə üzləşməyə başlayıb.
2020-ci ildə "Telemus Systems Inc." şirkətinə 360 min dollar, bu il iyulun 31-də isə 1,1 milyon dollar məbləğində ziyan dəyib. Şirkət bu ilin avqustunda istehsalı dayandırıb.
