“Fortuna Holdinq” MMC məhkəməyə verilib.
FED.az xəbər verir ki, buna səbəb İctimai Qayda, İctimai Təhlükəsizlik və İctimai Mənəviyyat Əleyhinə Olan İnzibati Xətalardır.
Belə ki, MMC barəsində İnzibati Xətalar Məcəlləsinin 518.1-ci maddəsi ilə protokol irəli sürülüb.
İş hakim Bakı Şəhər Nəsimi Rayon Məhkəməsinin hakimi Babək Pənahovun icraatındadır.
Məhkəmə baxış iclası 14 fevral 2025-ci il, saat 16:30-a (Zal 4) təyin edilib.
Xatırladaq ki, həmin maddəyə əsasən mülkiyyət formasından asılı olmayaraq müəssisə, idarə və təşkilatlarda, ictimai yerlərdə, anbarlarda, yataqxanalarda və ya digər yaşayış sahələrində, meşələrdə və nəqliyyatda yanğın təhlükəsizliyi standartlarının, normalarının və qaydalarının tələblərinin pozulmasına və ya yerinə yetirilməməsinə görə hüquqi şəxslər üç yüz əlli manatdan beş yüz manatadək məbləğdə cərimə edilir.
