Çinin Dövlət valyuta nəzarəti İdarəsi xaricdə şəxsi bank kartlarından nağd vəsaitlərin çıxarılması qaydalarını sərtləşdirib. FED.az "Interfax" agentliyinə istinadən xəbər verir ki, bu barədə "Sinxua" agentliyi məlumat yayıb.
Qaydaların sərtləşdirilməsinə səbəb "çirkli pul"ların yuyulması, terrorçuluğun maliyyələşdirilməsi və vergidən yayınmanın qarşısını almaqdır. Yeni qaydalarla, hər bir şəxsə aid yerli bankların kartlarından ildə 100 min yuandan (15 370 dollar) çox vəsaitin çıxarılması mümkün olmayacaq. Əgər kart sahibi xaricdə illik limitdən artıq vəsait çıxararsa, o zaman növbəti il üçün onun eynitipli əməliyyatları dayandırılacağı bildirilir.
Yeni qaydalar yanvar ayının 1-dən qüvvəyə minib.
