İqtisadiyyat

Azərbaycanda pandemiyanın səngiməsi iqtisadi bərpanı - Dəstəkləyəcək

Azərbaycanda pandemiyanın səngiməsi iqtisadi bərpanı - Dəstəkləyəcək | FED.az
14:52 16 May 2021

May ayının əvvəlindən başlayaraq AzərbaycandaCOVID-19 pandemiyasının səngiməsi məhdudiyyətlərin yumşaldılmasına izin verəcək və bu da, öz növbəsində, iqtisadi bərpanı dəstəkləyəcək.

Eləcə də bax: “Fitch”: 2021-2022-ci illərdə Azərbaycanda ÜDM-in orta illik artımı - 2,5% Təşkil Edəcək

FED.az xəbər verir ki, bu barədə Dünya Bankının iqtisadçıları bildirir.

Bankın hesablamalarına görə, Azərbaycanda ÜDM istehsalı ardıcıl 12 aylıq azalmadan sonra martda ilk dəfə olaraq illik müqayisədə artıb. Bundan əlavə, inflyasiyanın stabil qaldığını qeyd edən bankın mütəxəssisləri, ölkənin bank sektorunun bərpasının staqnasiyada qaldığını bildirirlər.

Qeyd edək ki, Dövlət Statistika Komitəsinin məlumatlarına görə, Azərbaycanda ÜDM-in azalma tempi azalsa da, hələ də artıma keçməyib və 2021-ci ilin yanvar-aprel aylarında ölkədə 25 078,6 mln. manatlıq və ya əvvəlki ilin eyni dövrü ilə müqayisədə 0,2% az ÜDM istehsal olunub.

Xatırladaq ki, ötən il Azərbaycanda COVID-19 pandemiyası fonunda ÜDM istehsalı 4,3% azalaraq 72 432,2 mln. manat təşkil edib. (Apa)

Banner
Banner

Digər xəbərlər