Birləşmiş Ştatların öz müttəfiqlərinə və rəqiblərinə qarşı əlavə rüsumlar tətbiq etməsindən sonra Çin hökuməti ABŞ-a cavab zərbəsi endirib.
FED.az xəbər verir ki, aprelin 4-də Çin ABŞ-dan idxal olunan bütün mallara 34 faizlik əlavə rüsum tətbiq edib. Bu, Prezident Donald Trampın dünyanın ikinci ən böyük iqtisadiyyatından olan məhsullara tətbiq etdiyi 34 faiz qarşılıqlı rüsumlara qarşı adekvat bir addım kimi qiymətləndirilir.
Dollar Trampın tarifləri fonunda son 2,5 ilin ən böyük itkisinə məruz qalıb
FED.az xəbər verir ki, ÇXR Dövlət Şurasının Gömrük Tarif Komissiyasının bəyanatına görə, gələn cümə axşamı qüvvəyə minəcək tariflər Çinə idxal edilən bütün ABŞ məhsullarına təsir edəcək.
Bəyanatda ABŞ-ın qarşılıqlı tarifləri birtərəfli “zorbalıq” adlandırılır, onların beynəlxalq ticarət qaydalarını pozduğu və Çinin hüquq və maraqlarına zərər verdiyi vurğulanır.
Çin Ticarət Nazirliyinin məlumatına görə, əlavə tariflər tətbiq etməklə yanaşı, Pekin ABŞ-ın 16 müəssisəsinə ikili istifadəli məhsulların ixracını qadağan edib və 11 ABŞ firmasını “etibarsız təşkilatlar siyahısına” salıb.
Nazirlik, həmçinin ABŞ və Hindistandan tibbi CT (rentgen) borularının idxalına qarşı antidempinq araşdırması başlandığı barədə bildirib və Vaşinqtonu tarifləri “dərhal” ləğv etməyə, hər hansı mübahisələri “ədalətli və bərabər dialoq” yolu ilə nizamlamağa çağırıb.
Pekin, həmçinin nadir torpaq materialları ilə əlaqəli olan bəzi məhsullar üzrə ixraca nəzarət tədbirləri elan edib.
