2024-cü ildə Özbəkistan 37,5 milyard dollar xarici investisiya cəlb etməyi planlaşdırır ki, bu da 2023-cü illə müqayisədə 25% çoxdur.
Azərbaycan şirkəti Özbəkistanda 29,3 milyon dollarlıq tenderdə qalib oldu
FED.az xəbər verir ki, bu barədə İnvestisiya, Sənaye və Ticarət Nazirliyinin şöbə müdirinin müavini Oğulnur Atayeva məlumat verib.
2024-cü il avqustun ortalarına olan məlumata görə, cəlb olunmuş investisiyaların həcminə görə Daşkənd 1,2 milyard dollar ilə liderdir. İkinci yerdə 879 milyon dollarla Namanqan rayonu, üçüncü yerdə isə 739 milyon dollarla Daşkənd vilayəti qərarlaşıb.
Atayeva onu da qeyd edib ki, bu il Özbəkistanın enerji sektoruna yatırılan investisiyaların həcmi 3,8 milyard dollar artıb. Onun sözlərinə görə, ilin sonunadək ümumi dəyəri 15,2 milyard dollar olan 228 layihənin işə salınması planlaşdırılır ki, bu da 28,5 min yeni iş yerinin yaradılmasına imkan verəcək.
37,5 milyard dollar xarici investisiyanın inkişafı çərçivəsində sənaye sahələrinin inkişafına 22 milyard dollar, regionların inkişafına isə 15,5 milyard dollar ayrılacaq.
Bundan əlavə, ölkədə 42 trilyon sum dəyərində istehsal müəssisələri tikiləcək, 1,4 milyard dollar dəyərində idxalın əvəzlənməsinə nail olunacaq və 710 milyon dollarlıq ixrac imkanları yaradılacaq. (Trend)
