Efiopiya Baş naziri Abiy Əhməd 11 yanvarda ölkənin 50 ildən sonra ilk fond birjasını – Efiopiya Qiymətli Kağızlar Birjasını (ESX) rəsmi olaraq açdı. O, bu hadisəni ölkənin iqtisadiyyatında "tarixi dönüş nöqtəsi" adlandırdı və birjanın maliyyə sistemini gücləndirəcəyini bildirdi.
“InvestAZ”dan dünya maliyyə bazarları ilə bağlı - HƏFTƏLİK ANALİZ
ESX, yerli və xarici investorlar üçün səhmlər və borc alətləri üzrə ticarət imkanı yaradacaq. Hökumət bildirib ki, bu platforma müasir texnologiyalar əsasında qurulub və etibarlı, səmərəli ticarət mühiti təmin edəcək. ESX, həmçinin ölkənin iqtisadi inkişafını sürətləndirməyi hədəfləyir.
Efiopiya son illərdə iqtisadiyyatını liberallaşdırmağa çalışır. Əhalisi 126,5 milyon olan bu ölkə, Afrikanın ən sürətlə inkişaf edən iqtisadiyyatlarından biri kimi tanınır və xarici investorlar üçün geniş imkanlar təqdim edir.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
