“Azərbaycan Beynəlxalq Bankı”nın 2023 və 2024-cü illəri üzrə xərclərini müqayisə etdikdə bir sıra dəyişikliklər müşahidə olunur.

«Azərbaycan Beynəlxalq Bankı (ABB)» pulu nədən qazanır? – GƏLİR MƏNBƏLƏRİ - MƏBLƏĞLƏR

FED.az xəbər verir ki, ümumi xərclər 193 987 min manat artaraq 530 482 min manatdan 724 469 min manata yüksəlib ki, bu da təxminən 37% artım deməkdir.

İnzibati xərclər 2023-cü ildə 25 470 min manat olduğu halda, 2024-cü ildə 34 000 min manata yüksəlib. Beləliklə, bu göstərici 8 530 min manat artıb və təxminən 33,5% yüksəlib. Ümumi xərclərdəki pay isə sabit qalaraq 5% təşkil edib.

Əmək haqqı üzrə xərclər 186 940 min manat səviyyəsinə çatıb, halbuki əvvəlki il bu rəqəm 157 234 min manat idi. Artım 29 706 min manat və ya təxminən 19% olub. Ümumi xərclərdəki pay isə 30%-dən 26%-ə enib.

Depozit faizləri üzrə xərcdə 81 320 min manat artım baş verib. Əgər 2023-cü ildə bu göstərici 98 283 min manat idisə, 2024-cü ildə 179 603 min manat olub ki, bu da təxminən 83% artıma bərabərdir. Ümumi xərclərdəki pay 19%-dən 25%-ə yüksəlib.

Kredit faizləri xərci hər iki ildə 0 manat təşkil edib və burada dəyişiklik baş verməyib.

Qiymətli kağızlar üzrə faiz xərci  18 798 min manatdan 11 557 min manata enib. Bu göstəricidə 7 241 min manatlıq azalma olub ki, bu da təxminən 39% azalma deməkdir. Xərclərdəki pay isə 4%-dən 2%-ə düşüb.

AMB-yə kredit xərci 12 201 min manat təşkil edib. 2023-cü ildə bu məbləğ 17 867 min manat olduğu üçün 5 666 min manatlıq azalma qeydə alınıb. Bu isə təxminən 32% azalma deməkdir. Ümumi xərclərdə pay 3% səviyyəsində sabit qalıb.

Amortizasiya xərcləri isə 27 961 min manata qədər azalıb. Əvvəlki il 28 938 min manat idi, başqa sözlə desək bu mənbədən olan xərclər 977 min manat və ya təxminən 3% azalıb. Ümumi xərclərdəki pay isə 5%-dən 3%-ə düşüb.

Digər faiz xərcləri 2023 və 2024-cü illərdə 0 manat olaraq sabit qalıb. Əvəzində digər qeyri-faiz xərcləri 183 892 min manatdan 272 207 min manata yüksəlib. Artım 88 315 min manat və ya təxminən 48% olub. Ümumi xərclərdəki pay isə 36%-dən 37%-ə qalxıb.

Bankın xərcləri və həmin xərclərin ümumi xərclərdə payı ilə bağlı daha detallı aşağıdakı cədvəldə: