Dövlət bankı Azər Türk Bankın 01 yanvar 2023-cü il tarixinə aktivləri ötən ilin müvafiq dövrü ilə müqayisədə 140% artaraq, 965,2 milyon manat səviyyəsində olmuşdur.
Azər Türk Bank yeni nəsil bankomatları - İSTİFADƏYƏ VERDİ
FED.az xəbər verir ki, bankın kredit portfelinin həcmi 316 milyon manat təşkil etmişdir ki, bu da ötən ilki göstəriciyə nisbətən 40% çoxdur.
Hesabat dövründə Bankın gəlirləri 95% yüksəlməklə 69,2 milyon manat, xərclər 58,1 milyon manat olmuşdur.
2022-ci ildə Azər Türk Bank 11 milyon manat həcmində xalis mənfəət əldə etmişdir ki, bu da ötən dövrdəki göstəricidən dəfələrlə çoxdur. Qeyd edək ki, 1995-ci ildə təməli qoyulmuş Azər Türk Bank özünün fəaliyyəti dövründə ilk dəfədir ki, bu həcmdə xalis mənfəət əldə etmişdir.
Bankın məcmu kapitalının həcmi 23% artaraq, 63,2 milyon manat olmuşdur.
Cəmi bank öhdəliklərinin həcmi 155% artımla 896 milyon manat səviyyəsindədir.
Əhali tərəfindən Banka ötən ildəkindən iki dəfə çox, 89,4 milyon manat məbləğində əmanət qoyulmuşdur. Ümumilikdə Bank 341 milyon manat həcmində depozit cəlb etmişdir.
Bankın aktivlərinin gəlirlilik əmsalı (ROA) 1,6%, kapitalın gəlirlilik əmsalı (ROE) dəfələrlə artaraq 22% təşkil etmişdir.
ApplePay və MC MoneySend (xarici bankların MC kartlarına Card to Card) istifadəyə verilmişdir. Eyni zamanda 2022-ci ildə Visa Direct, Tap2Phone, JCB və UnionPay beynəlxalq ödəniş sistemlərinə üzvlük layihələrinə start verilmişdir.
Ötən il ərzində Bank 5 innovativ filialını istifadəyə vermiş, bir filial isə rəqəmsal konsepsiyaya uyğun yenidən qurulmuşdur.
Azərbaycan Respublikası Prezidentinin 16 iyul 2022-ci il tarixli Fərmanı ilə “Azər-Türk Bank” Açıq Səhmdar Cəmiyyəti Azərbaycan İnvestisiya Holdinqinin idarəetməsinə verilmişdir.
