Azərbaycanda 2022-ci ilin yanvar-oktyabr aylarında avtomobil, qoşqu və yarımqoşquların istehsalı 81,7 faiz artıb.
Eləcə də bax: Azərbaycana elektrikli təzə avtomobillərin idxalı gömrük rüsumundan - AZAD EDİLİR
FED.az xəbər verir ki, bu barədə noyabrın 15-də Dövlət Statistika Komitəsindən məlumat verilib.
Bununla yanaşı, emal sektorunda sair nəqliyyat vasitələrinin istehsalı 3,2 dəfə, dəri və dəri məmulatlarının, ayaqqabıların istehsalı 59,9 faiz, maşın və avadanlıqların istehsalı 45,0 faiz, elektrik avadanlıqlarının istehsalı 41,4 faiz, geyim istehsalı 37,6 faiz, mebel istehsalı 32,9 faiz, poliqrafiya məhsullarının istehsalı 24,0 faiz, kağız və karton istehsalı 17,2 faiz, əczaçılıq məhsullarının istehsalı 16,9 faiz, tikinti materiallarının istehsalı 14,9 faiz, hazır metal məmulatlarının istehsalı 12,9 faiz, ağacın emalı və ağacdan məmulatların istehsalı 10,5 faiz, kompüter, elektron və optik məhsulların istehsalı 10,3 faiz, qida məhsullarının istehsalı 8,0 faiz, rezin və plastik kütlə məmulatlarının istehsalı 6,5 faiz, metallurgiya sənayesi məhsullarının istehsalı 5,4 faiz, kimya sənayesi məhsullarının istehsalı 3,8 faiz artıb, tütün məmulatlarının istehsalı 2,4 faiz, içkilərin istehsalı 4,2 faiz, neft məhsullarının istehsalı 6,0 faiz, maşın və avadanlıqların quraşdırılması və təmiri işləri 22,2 faiz, toxuculuq sənayesi məhsullarının istehsalı 30,7 faiz azalıb.
Elektrik enerjisi, qaz və buxar istehsalı, bölüşdürülməsi və təchizatı sektorunda istehsalın həcmi 3,5 faiz, su təchizatı, tullantıların təmizlənməsi və emalı sektorunda isə 5,7 faiz artıb.
