2025-ci ilin yanvar ayında Azərbaycan xaricdən 325 min 280 dollar dəyərində 1 milyon 59 min 980 ədəd diş fırçası idxal olunub.

• Azərbaycan xaricdən diş fırçalarının alışını azaldıb

FED.az Dövlət Gömrük Komitəsinə istinadən xəbər verir ki, diş fırçalarının idxalı ötən ilin eyni dövrü ilə müqayisədə dəyər ifadəsilə 11 min 570 dollar və ya 3,7% artıb, miqdar ifadəsilə 70 min 430 ədəd və ya 6,2% azalıb.

2024-cü ilin yanvar ayında isə Azərbaycan 313  min 710 dollar dəyərində 1 milyon 130 min 410 ədəd diş fırçası idxal olunmuşdu. 

Hesabat dövründə 1 ədəd diş fırçasının orta idxal qiyməti 52 qəpik olub ki, bu da illik 5 qəpik (10,6%) artıqdır.

Ötən ilin ilk ayının nəticələrinə əsasən 1 ədəd diş fırçasının orta idxal qiyməti 47 qəpik olub.

Bu dövrdə ən çox fırça 891 min 50 ədəd olmaqla Çindən gətirilib.

Vyetnam idxalın miqdarının çoxluğunua görə 2-cidir. Bu ölkədən ümumilikdə 135 min 890 ədəd diş fırçası gətirilib.

3-cü pillədə isə 12 min 960 ədəd olmaqla Hindistan qərarlaşıb.

Ən az diş fırçası isə Koreyadan (120 ədəd) və Almaniyadan (450 ədəd) idxal olunub.

Bu dövrdə diş fırçalarını  ən baha qiymətə satan ölkələr Koreya (14,17 manat), Almaniya (6,57 manat) və İsveçrə (3,97 manat) olub.

Ən ucuz qiymət isə Çin (38 qəpik) və Vytetnam üzrə (84 qəpik) qeydə alınıb.