Bu gün saat 00:00-dan başlayaraq ölkə ərazisində bir sıra iş və xidmətlərin fəaliyyətinə icazə verilib.
FED.az xəbər verir ki, bu, Nazirlər Kabinetinin müvafiq qərarında əksini tapıb.
Qərara əsasən, ticarət obyektlərinin fəaliyyəti (ictimai iaşə obyektləri, kafe, çay evləri və bu kimi məkanlarda müştərilərə yerində xidmət və iri ticarət mərkəzlərinin, “Mall”ların fəaliyyəti istisna olmaqla) bərpa olunacaq.Bərbərxanalar, gözəllik salonları fəaliyyət göstərməyə başlayacaq, muzeylər və sərgi zalları açılacaq. Həmçinin şəhərlərarası və rayonlararası hərəkətə icazə veriləcək.
