Azərbaycanda fəaliyyət göstərən əksər sığorta şirkətlərinin aktivləri onların balans kapitalının hesabına formalaşıb. Başqa sözlə, sığortaçıların aktivlərində öhdəliklərin payı elə də çox deyil.

Bu apardığı araşdırma nəticəsində məlum olub.

Belə ki, bu il yanvarın 1-nə olan vəziyyət görə, "Naxçıvan Sığorta" ASC istisna olmaqla maliyyə hesabatı vermiş 20 sığorta şirkətindən 4-nün aktivlərində balans kapitalının payı 80%-dən yüksəkdir. Yəni, həmin şirkətlərin öhdəliklərinin aktivlərindəki payı heç 20%-ə də çatmır. Bunlar "Amrah Sığorta", "Rəvan Sığorta", "Xalq Sığorta" və "Bakı Sığorta" ASC-lərdir.

Qalan 16 sığorta şirkətindən 3-də balans kapitalının aktivlərə nisbəti 70-80% arasında, 5 şirkətdə 50-60% arasında, 5 şirkətdə 40-50% arasında, 1 şirkətdə 30-40% arasında, 2 şirkətdə isə 20-30% arasındadır.

Hesabat tarixinə, sığorta sektoru üzrə orta nisbət isə 47,7% - 52,3% olub.