Yeni yaradılmış “Buta Sığorta və Təkrarsığorta Brokeri” QSC-yə direktor müavini təyin edilib. FED.az xəbər verir ki, bu Elçin Eyvazovdur. O əvvəl Mega Sığortada Filial və Agent şəbəkəsinin İnkişafı İdarəsinin Direktoru vəzifəsində çalışıb.
Qeyd edək ki, Elçin Eyvazov 1998-2002 Azərbaycan Dövlət İqtisad Universitetinin, Ümumi İqtisadiyyat fakültəsini Bakalavr dərəcəsi üzrə təhsil alıb.
Əmək fəaliyyətinə 2001-ci ildən Dövlət Neft Şirkətində Mühəndis olaraq başlayıb. 2002-ci ildə isə “Azərkörpu” Tikinti Şirkətində SƏTƏM üzrə mühəndis vəzifəsində çalışıb. 2004-cü ildən isə sığorta sahəsində Satış Meneceri olaraq fəaliyyətini davam etdirib. 2005-ci ilin May ayından“Standard İnsurance” Sığorta Şirkətində əvvəlcə Anderayter, 2008-ci ilin Yanvar ayından isə Avtonəqliyyat Sığortası Şöbəsinin Direktoru vəzifəsində çalışıb.
2016-ci ilin İyun ayından “Meqa Sığorta” ASC-də “Mərkəz Filialı”nın direktoru, 2017-ci ilin fevral ayından isə Filial və Agent şəbəkəsinin İnkişafı İdarəsinin Direktoru vəzifəsində çalışıb. Bundan əlavə fəaliyyət göstərdiyi illər ərzində Azərbaycan Risk Peşəkarları Assosiasiyasının və Azərbaycan Sığortaçılar Assosiasiyasınında Monitorinq Qrupunun üzvü olub.
“Buta Sığorta və Təkrar Sığorta Broker”ində - YENİ TƏYİNAT
09:38
22 May 2019
