“Azərbaycan Sənaye Sığorta” ASC 2018-ci ili 2 milyon 172 min manat zərər ilə başa vurub. Müqayisə üçün qeyd edək ki, Şirkəti 2017-ci ili 141 min 491 manat, 2016-cı ili 1 milyon 735 min manat xalis mənfəətlə bağlamışdı. 2017-ci ildə “Azərbaycan Sənaye Sığorta”nın xalis mənfəəti 12 dəfə azalmışdı.

Eləcə də bax: “Rəvan Sığorta”nın gəlirləri və xərcləri azalır - HESABAT
 

GƏLİRLƏRİ AZALIB, XƏRCLƏRİ ARTIB

FED.az şirkətin maliyyə hesabatına istinadən xəbər verir ki, 2018-ci ildə “Azərbaycan Sənaye Sığorta”nın gəlirləri azalıb, xərcləri artıb. Belə ki, ötən il şirkətin cəmi gəlirləri 9 milyon 492 min manat, cəmi xərcləri 11 milyon 664 min manat təşkil edib.

​2017-ci ildə isə “Azərbaycan Sənaye Sığorta”nın cəmi gəlirləri 10 milyon 177 min manat, cəmi xərcləri isə 10 milyon 35 min manat təşkil etmişdi.

İllik müqayisədə, şirkətin topladığı sığorta haqları 7 milyon 242 min manatdan 8 milyon 755 min manata yüksəlib, sığorta ödənişləri isə 3 milyon 710 min manatdan 2 milyon 862 min manata düşüb.

2017-ci illə müqayisədə 2018-ci ildə sair gəlirlərin azalması, sair xərclərin isə artması Şirkətin zərər etməsilə nəticələnib. 2017-ci ildə 1 milyon 281 min manat olmuş sair gəlirlər 2018-ci ildə 160 min manata düşüb. Sair xərclər isə 1 milyon 612 min manatdan 3 milyon 409 min manata yüksəlib.

İllik müqayisədə təkrarsığortaya verilmiş sığorta haqları 2 milyon 637 min manatdan 3 milyon 377 min manata yüksəlib.

“Azərbaycan Sənaye Sığorta” işlərin aparılması xərclərini cüzi azaldıb. 
Qeyd edək ki, “Azərbaycan Sənaye Sığorta” ASC-nin səhmdarları “Anadolu İnvestment Kompani”MMC və "Azərbaycan Sənaye Bankı”dır.

©Marja