08.06.2022-ci il saat 10:00-da “Holcim “(Azərbaycan) Açıq Səhmdar Cəmiyyətinin səhmdarlarının illik ümumi yığıncağı keçiriləcək.
Yığıncaq Bakı şəhəri, AZ 1065, İzmir küçəsi, 6 ünvanında yerləşən “Hyatt Regency” hotelinin Quba zalında keçiriləcəkdir.
FED.az xəbər verir ki, səhmdarların illik ümumi yığıncağının gündəliyinə aşağıdakı məsələlər daxildir:
1. “Holcim” (Azərbaycan) ASC-nin Səhmdarlarının illik ümumi yığıncağının sədrinin seçilməsi;
2. “Holcim” (Azərbaycan) ASC-nin 2021-ci il üzrə audit olunmuş maliyyə hesabatlarının təsdiqlənməsi;
3. 2021-ci ilin nəticələri üzrə xalis mənfəətin bölüşdürülməsi;
4. “Holcim” (Azərbaycan) ASC-nin Təftiş Komissiyasına üzvün təyin edilməsi;
5. “Holcim” (Azərbaycan) ASC-nin Nizamnaməsinə əlavələrin təsdiq edilməsi;
6. “Holcim” (Azərbaycan) ASC və “Holcim International Finance” LTD arasında borc müqaviləsinin müddətinin uzadılması.
Qeyd edək ki, “Holcim” (Azərbaycan) ASC 2021-ci il üzrə məaliyyə nəticələrini, o cümlədən mənfəət və zərər hesbatını dərc etdirməyib. Şirkət 2019-cu ili 9 milyon 154 min manat, 2020-ci ili 2 milyon 150 min manat xalis mənfəət ilə başa vurub. “Holcim” (Azərbaycan) 2019 cə 2020-ci illərin maliyyə nəticələri üzrə dividend ödəyib. "Holcim Azərbaycan" ASC 2019 və 2020 maliyyə illəri üzrə səhmdarlarına bir səhmə görə - 2019-cu maliyyə ilinin yekunları üzrə 5,66 manat, 2020-ci maliyyə ilinin yekunları üzrə 1,35 manat olmaqla cəmi 7,01 manat dividend ödəyib. 186 səhmdən ibarət olan bir payın (səhm paketinin) sahibi 1303,86 manat dividend alıb. Bu gəlirdən ödəmə mənbəyində 10 faiz dərəcə ilə vergi tutulub.
"Holcim Azərbaycan" ASC-nin səhmlərinin 66%-i "Holcim LTD"yə, 24%-i "Holcim Auslandbeteiligungs GmbH" şirkətinə, qalan faizləri isə digər hüquqi və fiziki şəxslərə məxsusdur. (Marja)
