Sağlamlıq

Bakıda restoranlar ayda bir dəfə dezinfeksiya olunmalıdır - YENİ QAYDALAR

Bakıda restoranlar ayda bir dəfə dezinfeksiya olunmalıdır - YENİ QAYDALAR | FED.az
08:05 8 İyun 2020

 Qida Təhlükəsizliyi Agentliyi (AQTA) karantin rejimindən mərhələli çıxış zamanı ictimai iaşə və ərzaq satışı müəssisələrində əməl edilməsi vacib olan qaydalar barədə maarifləndirici materiallar hazırlayıb.

Eləcə də bax: "Masaları bayıra çıxarın" - DÖVLƏT QURUMUNDAN RESTORANLARA TÖVSİYƏ

FED.az AQTA-ya istinadən xəbər verir ki, materiallarda ictimai iaşə müəssisələrində işçilərin şəxsi gigiyena qaydalarına riayət etməsinin, mətbəxdə çalışan heyətin xüsusi iş geyimində olmasının, gündəlik ev geyiminin iş prosesində istifadəsinə yol verilməməsinin vacibliyi qeyd olunub.

Bildirilib ki, qida məhsulları ilə təmasda olarkən əlcək, tibbi maska, bone (baş örtüyü) kimi vasitələrdən istifadə edilməlidir.

Bununla yanaşı, diqqətə çatdırılıb: "Ayda bir dəfə profilaktik dezinfeksiya və deratizasiya işləri aparılmalı, bu zaman lisenziyalaşdırılmış və həmin sahədə ixtisaslaşmış müəssisələrin xidmətindən istifadə edilməlidir. Təlimatda qeyd edilmiş tövsiyələrə riayət olunmalı, dezinfeksiya işlərinin aparıldığı mühit havalandırılmalıdır”.

Həmçinin, ərzaq satışı müəssisələrində zalların və otaqların mütəmadi havalandırılması tövsiyə olunub.

Digər xəbərlər

Banner