InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
EUR.
Amerika iqtisadiyyatı fonunda risklərin artması, EURUSD məzənnəsində də bahalaşmasına səbəb olur. Beləliklə, avro 1.17$-ın üzərində qaldıqca, tələbin artacağı və 1.18$-a kimi bahalaşacağı proqnozlaşdırılır.
Bununla yanaşı, bazar ertəsi Bakı vaxtı ilə saat 12:00-da Avrozonadan sənaye və xidmət sektorlarına dair dərc ediləcək önəmli fundamental göstəricilər də investorların diqqət mərkəzindədir.
GBP.
GBPUSD məzənnəsində də başlayan bahalaşma, 1.38$-a kimi davam edə bilər.
İngiltərədən də bu gün Bakı vaxtı ilə saat 12:30-da sənaye və xidmət sektorları ilə bağlı biznes aktivliyi indeksləri dərc ediləcəkdir.
TRY.
USDTRY məzənnəsi də qlobal bazarların təsiri altında dalğalanmaqdadır. Son həftə ərzində 8.56TL-yə yüksələn dolların yenidən 8.38 lirəyə düşəcəyi ehtimal edilir.
OIL.
Dolların düşməsi xammal bazarlarında əmtəə qiymətlərin də yüksəlməsinə səbəb ola bilər. Təhlillərə əsasən, Brent neftinin bir bareli yenidən 72$-a kimi dəyər qazana bilər.
Çərşənbə günü saat 18:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir.
GOLD.
Qızılın da dəstək gördüyü müşahidə edilir və 1787$-ın (57.5 $/qram) qırılması ilə trendin 1828$-a (58.8 $/qram) kimi davam edə bilər.
İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.
“İnvest-AZ İnvestisiya Şirkəti” QSC-nin Analitika Departamenti
“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
Risk bildirişi.
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.
