Azərbaycan Arıçılar Assosiasiyası Dövlət Gömrük Komitəsinin rəhbərliyi ilə görüşmək istəyir. Bu barədə Assosiasiyanın sədri Bədrəddin Həsrətov bildirib.
Eləcə də bax: «Dövlət tenderlərində açıq dəllallıq hökm sürür...» - TANINMIŞ SAHİBKARDAN ETİRAZ – SOS!
FED.az xəbər verir ki, onun sözlərinə görə, bu məqsədlə Komitəyə məktub göndərilib.
“Hazırda bal istehsalı ilə məşğul olan fermerlər xaricdən idxal olunan avadanlıqlar üçün gömrük rüsumunun məbləğindən narazıdır. Komitə sədrinə müraciət etmək istəyirik. Hesab edirik ki, arıçılıq üçün lazım olan avadanlıqlar – kiçik ləvazimatlar üçün idxal gömrük rüsumları azaldılmalıdır.
Bu baş versə, balın maya dəyəri aşağı düşər, ona tələbat artar, ixrac üçün rəqabət qabiliyyətliliyi yüksələr”, – deyə o qeyd edib.
