"JYSK Azərbaycan"ın Bakıxanov qəsəbəsi, Ramiz Qəmbərov küçəsində "Bravo superstore"un daxilində yerləşən mağazası fəaliyyətini dayandırıb.
FED.az şirkətin yaydığı məlumata istinadən xəbər verir ki, şəbəkənin Bakıxanov filialı yeni ünvanda fəaliyyət göstərəcəkdir.
Bakıxanov qəsəbəsində JYSK mağazasının Sakit Qocayev küç 23 ünvanında ("Aygun Mall"un yaxınlığında) 8 mart tarixində açılacağı gözlənilir.
JYSK döşəklər, mebellər və interyer dekorasiyası kimi məişət əşyaları satan Danimarka pərakəndə satış şəbəkəsidir. Jysk 51 ölkədə 3100-dən çox mağazası ilə beynəlxalq miqyasda fəaliyyət göstərən ən böyük Danimarka pərakəndə satış şirkətidir. (Marja)
