Aqrar

Özbəkistan xarici ölkələrə xam pambıq - SATMAYACAQ

Özbəkistan xarici ölkələrə xam pambıq - SATMAYACAQ | FED.az
11:30 10 Okt 2019

Gələn ildən etibarən Özbəkistan xarici ölkələrə xam pambıq satmayacaq. Məhsulun hamısı ölkədə emal ediləcək.

FED.az xəbər verir ki, bu barədə Özbəkistanın İnvestisiyalar və Xarici ticarət naziri Sardor Umurzakov jurnalistlərə bildirib. O qeyd edib ki, xarici ölkələrə hazır toxuculuq məmulatları ixrac ediləcək.

Eləcə də bax: Özbəkistanda 500 kiloqram pambıq yığan xanıma avtomobil - HƏDİYYƏ OLUNUB

S.Umurzakov deyib: “Bu il Özbəkistandan xarici ölkələrə 2 milyard dollardan çox toxuculuq məmulatları ixrac olunacaq, 2025-ci ilə qədər isə bu rəqəm 8 milyarda yüksələcək”.

O bildirib ki, Özbəkistan xarici ölkələrə xam pambıq satışını getdikcə azaldır. Belə ki, 2010-cu ildə xaricə 1,5 milyard dollar həcmində xam pambıq satılmışdısa, 2015-ci ildə bu rəqəm 736 milyon dollara qədər azalıb, keçən ilin göstəricilərinə görə isə 222 milyon dollar təşkil edib.

Marja

Digər xəbərlər