Ağılı sərmayə

Türkiyədə tərxun biznesi - "AĞILLI SƏRMAYƏ"

Türkiyədə tərxun biznesi - "AĞILLI SƏRMAYƏ" | FED.az
12:13 10 Dek 2018
80 milyon əhalisi olan Türkiyə bazarı üçün maraqlı iş fikirlərindən biri də tərxun yetişdiriciliyidir. FED.az xəbər verir ki, qardaş ölkədə tərxun yoxdur və nadir hallarda iri hipermarketlərdə tapmaq olar. Odur ki bu bitki Türkiyə üçün delikates sayıla bilır. Deyə bilərsiz ki tərxun yoxdursa deməli ona ehtiyac da yoxdu. 

ELƏCƏ DƏ BAX: Adaçayı (şalfey) biznesi – «AĞILLI SƏRMAYƏ»


Hələ 10 il əvvəl Türkiyədə qarabaşaq da yetişdirilmirdi. Ancaq Konya vilayətinin fermerləri bu bitkinin bazarına dair nikbin fikirdə idilər. Onlar Ukraynadan qarabaşaq toxumu gətirərək bu bitkini Türkiyədə yetişdirdilər. Artıq bir neçə ildir ki marketlərdə hamımızın "qreçka" kimi tanıdığımız qarabaşaq almaq mümkündür. Xüsusilə də keçmiş SSRİ ölkələri vətəndaşlarının köç etdiyi Antalyada spesifik qida məhsullarına böyük tələbat var. Burada yaşayan postsovet ölkələrinin vətəndaşları hər gəldiklərində özləri ilə sevdikləri ərzaq məhsullarını gətirirlər. Bunların arasında qarabaşaq da var. Çox güman ki türkiyəli marketinq mütəxəssisləri bunu nəzərə alıblar. Bazarın qanunu - tələb təklif yaradır. 

Türkiyədə tərxun yetişdiriciliyi nədən bu qədər maraqlıdır?

1. Əvvəla onu qeyd edək ki Türkiyədə ədviyyatlardan istifadə geniş yayılıb. 
2. Türkiyə qurmanlar üçün əsil cənnətdir. Bütün vilayət mərkəzlərində, turistik yerlərdə cürbəcür restoranlar fəaliyyət göstərir. 
3. Türkiyədə ekzotik məhsullara üstünlük verirlər. 
4. Yuxarıda qey olunduğu kimi burada yaşayan postsovet ölkələrinin vətəndaşları damaq dadlarını dəyişməyiblər. 
5. 80 milyon əhali yaşayan bir bazarda risk faktoru çox azdır.
6. Tərxun həm də bir dərman bitkisidir, qardaş ölkədə isə alternativ təbabətə üstünlük verilir.
7. Türkiyə Avropa İttifaqının ən böyük meyvə-tərəvəz tədarükçüsüdür. 


Tərxun yetişdiriciliyi asandırmı?

Tərxun münbit və sulu ərazilər tələb etməyən bir bitkidir. Hətta evinizdə dibçəkdə də tərxun yetişdirə bilərsiz. Son illər su qıtlığı və quraqlıq problemlərini də nəzərə alsaq bu bitkinin yetişdiriciliyi ideal biznes ideyasıdır. Türkiyədə suvarma böyük ekoloji problemdir və münbit torpaqlar bahadır. Əkinə yararsız torpaqlar isə olduqca əlverişli qiymətlərədir. Tərxun sərt qış iqliminə davamlı bitkidir. 


Türkiyədə tərxun yetişdirilməsi

Türkiyədə əkinə yararsız torpaqlarda tərxun yetişdiriciliyi fermerlərə böyük gəlir gətirər. FED.AZ Türkiyənin istənilən bölgəsində marketinq araşdırması apararaq sizə sərfəli qiymətlərlə kənd təsərrüfatlı təyinatlı torpaq əraziləri təklif edə bilər. Fermerlərimiz qardaş ölkədə torpaq əraziləri alaraq rahatlıqla meyvə-tərəvəz məhsulları yetişdirə bilərlər. Bununüçün FED.AZ ın "Ağıllı sərmayə" layihəsi ekspertlərinə müraciət etməyiniz kifayətdir. 

FED.AZ
İstanbul/Türkiyə

Digər xəbərlər