Azərbaycanda dörd il öncə özəlləşdirilən “D.Yusifov Adına Qəbələ Qızıl Balıqartırma Zavodu” Açıq Səhmdar Cəmiyyətinin rəhbəri dəyişdirilib.
“Azbadam”a yeni rəhbər - TƏYİN OLUNUB
FED.az biznes və maliyyə xəbərləri portalı Banker.az-a istinadən xəbər verir ki, Elxan Abbasov Təyyar oğlu şirkətin direktoru təyin edilib.
O bu vəzifədə Murad Əhmədov Rafiq oğlunu əvəzləyib. M.Əhmədov hazırda “Agrotrade Supply” MMC-də baş kommersiya inzibatçısıdır.
Xatırladaq ki, Əmlak Məsələləri Dövlət Komitəsi 2019-cu ildə “D.Yusifov adına Qəbələ Qızıl Balıqartırma Zavodu” ASC-nin səhmlərinin satışı üzrə elan etdiyi investisiya müsabiqəsinin qalibi kimi “Azerbaijan Fish Farm” MMC elan etmişdi.
“Azerbaijan Fish Farm” MMC Azərbaycanda balıq yetişdirilməsi və kürü istehsalı sahəsində fəaliyyət göstərən özəl şirkətdir. “D.Yusifov adına Qəbələ Qızıl Balıqartırma Zavodu” isə hazırda 1 milyon 504 min manat nizamnamə kapitalına sahibdir.
