2020-ci ilin yanvar-noyabr dövründə Azərbaycana 576 milyon 175 min dollar dəyərində 47 min 841 ədəd nəqliyyat vasitələri (avtomobil) idxal edilib.
Eləcə də bax: Xaricdə qeydiyyatda olan avtomobillərdən yol vergisinin tutulması - Qaydası Dəyişib
FED.az Dövlət Gömrük Komitəsinin aylıq hesabatına istinadən xəbər verir ki, ötən ilin 11 ayı ilə müqayisədə 2020-ci ilin 11 ayında avtomobil idxalı 7 min 853 ədəd və ya təxminən 19,6% artıb. 2019-cu ilin yanvar-noyabr dövründə Azərbaycana 39 min 988 ədəd avtomobil idxal edilmişdi.
2020-ci ilin Noyabr ayında Azərbaycana xaricdən 5 min 14 ədəd avtomobil gətirilib. Sentyabr ayında ölkəmizə 5 min 454 ədəd, Oktyabr ayında 4 min 195 ədəd avtomobil idxal edilmişdi.
Cari ilin 11 ayında ayda ölkəmizə 44 min 278 ədəd minik avtomobili, 223 ədəd avtobus, 3 min 203 ədəd yük avtomobili və 137 ədəd xüsusi təyinatlı avtomobil idxal edilib. (Marja)
