Hər il “Dövlət büdcəsi haqqında” Azərbaycan Respublikasının Qanununa əsasən Dövlət Gömrük Komitəsi (DGK) üçün illik büdcə öhdəliyi müəyyən edilir. Komitə üçün bu il 3 milyard 900 milyon manat büdcə proqnozu müəyyənləşdirilib.
Eləcə də bax: Rüsumların artırılmasından büdcəyə 100 milyona yaxın vəsait - DAXİL OLACAQ
FED.az biznes və maliyyə xəbərləri portalı AZƏRTAC-a istinadən xəbər verir ki, bu sözləri Dövlət Gömrük Komitəsinin sədri Səfər Mehdiyev müsahibəsində deyib.
O bildirib ki, cari ilin 10 ayı ərzində gömrük orqanlarının xətti ilə 3 milyard 185 milyon manat proqnoza qarşı 3 milyard 560,3 milyon manat olmaqla, 375,3 milyon manat artıq gömrük ödənişlərinin toplanaraq dövlət büdcəsinə köçürülməsi təmin edilib və 10 aylıq büdcə öhdəliyi 111,78 faiz yerinə yetirilib.
