«Modern Servis» şirkəti “Azərbaycan Sənaye Korporasiyası” ASC-nin Bakının mərkəzində çoxmərtəbəli yaşayış binasının söküntüsünə dair elan etdiyi təkliflər sorğusunun qalibi olub.
Eləcə də bax: Bakıda bina söküləcək - TENDER ELANI
FED.az xəbər verir ki, «Modern Servis» şirkəti ilə, Lev Tolostoy və Həzi Aslanov küçələrinin arasındakı 345-ci məhəllədə 11 mərtəbəli yaşayış binalarının söküntüsü işlərinə dair müqavilə imzalanıb.
Müqavilənin dəyəri – 349,862 min manatdır.
Prezident İlham Əliyev 6 noyabr 2017-ci il tarixində “Azərbaycan Sənaye Korporasiyası” ASC-nin yaradılması haqqında fərman imzalayıb. “Azərbaycan Sənaye Korporasiyası” dövlət əmlakının idarə edilməsinin səmərəliliyini artırmaq, korporativ idarəetmə prinsiplərinə əsaslanan hesabatlılıq və nəzarət sistemini formalaşdırmaq, dövlətə məxsus müəssisələr arasında əlverişli kooperasiya əlaqələrinin yaradılmasına və istehsal potensialının dəyər zəncirinin həlqələri üzrə artırılmasına nail olmaq məqsədilə yaradılıb. Cəmiyyətin nizamnamə kapitalı 500 mln. manat təşkil edir.
İnterfaks
