Banner

Hüquq

FHN 716 min avro - CƏRİMƏLƏNİB

FHN 716 min avro - CƏRİMƏLƏNİB | FED.az
15:49 20 Noy 2019

Maliyyə Bazarlarına Nəzarət Palatası Azərbaycan Respublikasının Fövqəladə Hallar Nazirliyini (FHN) inzibati qaydada cərimələnməsi barədə protokol tərtib edib.

FED.az Banker.az-a istinadən xəbər verir ki, Yasamal Rayon Məhkəməsi protokola əsasən, nazirliyi 716 500 avro cərimələyib.

Eləcə də bax: Dövlət Əmək Müfəttişliyi şirkətə - 20 MİN MANATLIQ PROTOKOL YAZIB

FHN İnzibati Xətalar Məcəlləsinin (İXM) 430.4-cü (avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə) maddəsi ilə təqsirli bilinib.

Bu inzibati xətaya görə, hüquqi şəxslər və ya dövlət qurumları inzibati xətanın bilavasitə obyekti olmuş valyuta vəsaitinin iyirmi faizindən otuz faizinədək məbləğdə cərimə edilir.

Bakı şəhəri Yasamal Rayon Məhkəməsinin 12.11.2019-cu il qərarından verilmiş apellyasiya şikayətinə Bakı Apellyasiya Məhkəməsində baxılır.

Digər xəbərlər

Banner