Yanvar-sentyabr aylarında (9 ayda) Rusiya neftinin Çinə ixracı illik müqayisədə təxminən 8,8% artaraq 64,25 milyon ton təşkil edib.
Eləcə də bax: Avropa İttifaqı Rusiya qazından - TAM AYRILIB
FED.az xəbər verir ki, bu barədə bazar ertəsi Çin Xalq Respublikasının Baş Gömrük İdarəsi məlumat yayıb.
İdarənin məlumatına görə, doqquz ay ərzində Çinin Rusiyadan aldığı xam neftin dəyəri 2021-ci ilin eyni dövrü ilə müqayisədə 1,5 dəfə artaraq 44,06 milyard dollar təşkil edib.
Açıqlanan statistik məlumatlara görə, avqustda olduğu kimi, sentyabrda da Rusiya Çinə aparıcı neft ixracatçıları arasında ikinci yerdə qərarlaşıb. Ötən ay Çin Rusiya Federasiyasından 7,46 milyon ton neft alıb (avqust ayı ilə müqayisədə təxminən 11% azalma).
Çinə neft ixracına görə, yanvar-sentyabr aylarında 49,79 milyard dollara 65,83 milyon ton satan Səudiyyə Ərəbistanı liderdir (il ərzində fiziki həcmdə 0,9% azalma və dəyər ifadəsilə 1,5 dəfə artım).
Çinə, İraq (28,67 milyard dollara 39,84 milyon ton), Oman (22,19 milyard dollara 29,83 milyon ton) və Birləşmiş Ərəb Əmirlikləri (22,13 milyard dollara 28,55 milyon ton) də neft ixrac edib.
Çin gömrük orqanlarının məlumatına görə, 2021-ci ildə Çinin Rusiyadan neft idxalı 4,5% azalaraq 79,64 milyon ton təşkil etmişdir. Çinin Rusiyadan aldığı neftin dəyəri isə əksinə, təxminən 45% artaraq 40,55 milyard dollara çatmışdır. (Marja)
